تمنــــــيتك .. !! [الأرشيف] - منتديات ذبحني الشوق

masheel

10-17-2008, 02:45 PM

تمنيـتـك عـلـي تقـبـل .. أشـوفــك مبـتـسـم فـرحــان

وأشــوف اهـلـك يـغـنـوا لـــك ولـدروبــي يـزفـونـك

وتـزيـد بقلـبـي نبضـاتـه ويحـمـر وجـهـي الخـجـلان

ويرعش جسمي بقدومك وأقول امشي على هونـك

وامــلاك السـمـا تـحـفـك بـنــور الـــرازق الـمـنـان

عليك اسم الله يا لغالي.. وعمـت عيـن لـيحسدونـك

تسـابـق لجـلـي خطـواتـك تجيـنـي محـتـرق لـهـفـان

وأحــط يــدي عـلـى قلـبـي واقـلــه جـــاك مفـتـونـك

وتفـتـح طرحـتـي بـيــدك وأتـــوه بـسـحـرك الـفـتـان

ياعـمـري والله خجـلانـة ومـيـتـه بـنـظـرة عـيـونـك

يريـحـنـي كـلامــك لـــي يـامـحـلا لـيـلـة الـعـرسـان

وتعاهدنـي بتوفـي لـي وأعاهـدك أنــي مــا أخـونـك

مضى عمـري وأنـا احلـم واظـم طيوفـه بالأحضـان

واســـأل لـيـلـى يـــا لـيـلـى شـسـويـتـي بمـجـنـونـك

تحقـق نصـف حلمـي بـك وشفـتـك مقـبـل وفـرحـان

وشـفـت اهـلــك يـغـنـوا لك.....وللـحـلـوة يـزفـونـك

خنـقـت بنفـسـي عبـراتـي وخنقـنـي قلـبـي الغـيـران

وحبست دموعي في عيني وقلت امشي على هونك

فضحنـي صـوت شهقاتـي ورجيـت الـواحـد الـديـان

يخلـيـهـا ويـقـدرنـي أضـمّــد جـرحــي مـــن دونــــك

أشـوف شلـون تضحـك لـك وقلبـي يشتـعـل نـيـران

دعــيــت الله يهـنـيـهـا مــعــاك وتـجـلــي شـجـونــك

وأنــا مـنـهـو يهنـيـنـي ويـــداوي قـلـبـي الـوجـعـان

أنــا ونـيـت يــوم أنــي سمـعـت إخـوانـي يـطـرونـك

غديـت بغبنتـي وحنيـت وصفـت إحساسـي للجـدران

رحلـت وربـي مـا ضنيـت مصيـري غيـري تصونـك

وناديـتـك ولا لـبـيـت وتـخـالـط شـوقــي بالـهـجـران

بتـنـهـيـدة أنــــا تـرجـيــت لــــي ربــعــي يجـيـبـونـك

يقولـون ادفنـي ذكـره يقـولـون انـسـي الـلـي خــان

قـسـم بالله مــا بـنـسـاك ولـــو هـالـكـون ينـسـونـك

تـروف بحالتـي وتحـن وتحلـف والله هــو خـسـران

يـواســونــي رفـيـقـاتــي يـقــولــن كـلــنــا عــونـــك

كبيـرة بعيـن كــل ربـعـي أمــوت وعــزي ماينـهـان

كـــذا تخلـيـنـي أصـغـرهــم مــــع فــلانــة يـلـقـونـك

أنـــا مـابــي مـهــر مـنــك ولا شـبـكـة ولا فـسـتـان

طمـوحـي احتـضـن حـزنـك وازيــن بالـهـنـا كـونــك

أبـيـك تـكـون لــي وحـــدي بـديــره مـابـهـا سـكــان

تنومنـي بـوسـط عيـنـك وتلـحـف جسـمـي بجفـونـك

غنـاتـي لـيــه تـاخـذهـا وتـشـمـت فـيـنـي الـعــدوان

وش اللـي ساومـك فيهـا وصغـر شخصـي بعيـونـك

وش اللي مـو حلـو فينـي كسـرت بخاطـري يافـلان

خبـر عرسـك قضـى فينـي هلـكـت قليـبـي بطعـونـك

(مـزن )ضميتهـا وبليـت شعرهـا بمدمـعـي الهـتـان

ياعـمـري خـلـو الـخـالـة وعـسـاهـم مـــا يخـلـونـك

يهـون عليـك ترخـص بـي وتجـازي طيبتـي بنكـران

عشقـت اهلـك علـى شانـك ولمـت الـلـي يلومـونـك

أسـف والله أسـف مكتـوب أهـيـم بسـكـة الأحــزان

ومكتوب ألقى بنت النـاس بدالـي تعيـش فـي كونـك

يشـيـن اللحـظـة ذي والله تمنـيـت الـبــس الأكـفــان

وأشـوف الظلمـة فــي قـبـري ولا بغـيـري يهنـونـك

يبين ارجـوووك خـذ روحـي ونـادو يـا هلـي الدفّـان

ابـيــك تـحــس بـجـروحــي.. وبـتـابـوتـي يـمـرونــك

أبيـك تشيـل تابـوتـي عـلـى كتـفـك ياغـصـن الـبــان

وتـعـرف قــدري بمـوتـي وتـدمــع لـجـلـي عـيـونـك